اني اذكرك بالنوم واحسك غافي باحضاني
واخاف بنومك انت تشوف غيري واني تنساني
احسك بالقلب دكات كل دم حبي الك ماشي
واذا فكرت انا ملكاك متمدد على فراشي
اعوفك عالمخدة تنام واحط راسي على الكاشي
كل هذا وافكر بيك واحجي بذكرك الكاني
ساكت بس الناس احجي بيك سمعوني
حبيبي وصرت بيك احلم واني مفتح عيوني
حبك صابني بجنون لا اخذ ولا انطي
ومركب حبك مسافر بعيد وما وصل شطي
ابرد اني بس الكاك بغطاي انت متغطي
صح اني بردت لكن كلت اسمك ودفاني
مرة فكرت انساك كلت خلي ابتعد عنة
بس فزيت من نومي روحي لكيتها بحضنة
اثاريني جنت حلمان مر الحلم وتعده
لانها ذكريات وياك وحدة احلى من وحدة
حتى وانت عني بعيد اشم عطرك بالمخدة
تصور لو ردت انساك يعني راح انساني
اني اذكرك بالنوم واحسك غافي باحضاني
واخاف بنومك انت تشوف غيري واني تنساني
لكم مني ارق التحية والسلام