عراقية والنعم منهة وسمهة
شالت هم الوطن فوك همة
بنات البلد لؤلؤ وعقد مرجان
احتار القلم شيكتبلي عنهة
&&بنت البصرة&&
بنت البصرة حرة والف حرة
اصالتهة من النخل كحيلة السمرة
ما تعرف زعل والروح خضرة
الج مني السلام وارقى التحية
&&بنت بغداد&&
بنت بغداد محتار بامرها
أنيقة والدلع مرافك عمرها
ضيك حيل مسودني خصرها
هي المشكلة وحل القضية
&&بنت كربلاء&&
بت كربلاء رقة وحلاوة
ابتسامتهة خفيفة ومشيتهة بهداوة
لاتعرف جفة ولاتعرف قساوة
وفي تربة لكاع معجونة بيهة
&&بنت النجف&&
بنت النجف رزنة وطنون هيبة
نور ووجناتهة التايه يجيبة
موسوعة علم ما تدفع ضريبة
تربات المراجع والمرجعية
&&بنت العمارة&&
شسولفلك عله بنت العمارة
العاشرهن يبخته طالت عمارة
الوفي دربه عليهن والله مسارة
كبرياء الهور وصفات الطير بيهة
&&بنت ذي قار&&
بنت ذي قار لاتنشدني عليهة
احتار الفكر منهة وعليهة
كل صفات الحسن مجموعة بيهة
تلميذة مضايف والكرم بيهة
&&بنت الموصل&&
بنت الموصل مزيونة وشكرة
بشوفتهة من كل مرض تبرة
قطعة من الفرح ضحكة ومسرة
اربعتهن ربيع فصولهة هي
&&بنت تكريت&&
أسالت كالوا الحليوة من تكريت
بنات مدسترة ومنورات البيت
الوجنة ضوة والخدين جكليت
بنات العز والمرجلهة هية
&&بنت الانبار&&
بنت الانبار استاذة بالكرم وتحسن الملكة
شعب طبي وعلاجك يمهة تلكة
تجر الروح وتملي الكلب حركة
يعونة النزل عدهم وشرب مي منديهة
&&بنت ديالى&&
بنت ديالى الاصل هية والاصالة
برتقالة بالشكل وبالعكل فالة
همك صبرهن اتكفل وشالة
بيهة اروع صفة واروع سجية
&&بنت الشمال&&
بنت الشمال مجرش جسمهة
مثل الجبل ثابت كل حسنهة
دهوك وسليمانية واربيل يالتسألني عنهة
تتكاسر بحلاوتهة وية الناصرية